ក្រុមប្រឹក្សាស្តារអភិវឌ្ឍន៏វិស័យកសិកម្ម និងជនបទ(ក.ក.ជ.)ត្រូវបានបង្កើតឡើងនៅ ឆ្នាំ១៩៩៨ ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីជាប្រធាន។ ចាប់ពីឆ្នាំ២០០៨ ដល់ខែសីហាឆ្នាំ២០២៣ ឯកឧត្តមឧបនាយករដ្ឋមន្រ្តី យឹម ឆៃលី ជាប្រធាន។ បច្ចុប្បន្ន ឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្រ្តី ជាប្រធាន។ ក.ក.ជ. មានតួនាទីជាគណៈបញ្ជាការឯកភាពមួយ ជួយរាជរដ្ឋាភិបាលក្នុងការសម្របសម្រួលលើការអភិវឌ្ឍវិស័យកសិកម្ម និងជនបទ និងមានភារកិច្ចទទួលបន្ទុកចាត់ចែងសម្របសម្រួល តាមដាន វាយតម្លៃ និងផ្តល់យោបល់ លើការរៀបចំគោលនយោបាយនិងយុទ្ឋសាស្ត្ររបស់រាជរដ្ឋាភិបាលលើការអភិវឌ្ឍវិស័យកសិកម្មនិងជនបទ និងវិស័យសន្តិសុខស្បៀងនិងអាហារូបត្ថម្ភ។ ក្នុងរាជរដ្ឋាភិបាល នីតិកាលទី៧នៃរដ្ឋសភា ក្រោមការដឹកនាំប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក.ក.ជ. បានចូលរួមអនុវត្តយុទ្ធសាស្ត្របញ្ចកោណ ដំណាក់កាលទី១ ដើម្បីកំណើន ការងារ សមធម៌ ប្រសិទ្ធភាព និងចីរភាព ជាពិសេសបញ្ចកោណទី១ មុំទី៤ ការពង្រឹងប្រព័ន្ធគាំពារសង្គម និងប្រព័ន្ធស្បៀង និងបញ្ចកោណទី៤ មុំទី៣ ការលើកស្ទួយកសិកម្មនិងការអភិវឌ្ឍជនបទ។
– ព្រះរាជក្រឹត្យស្តីពីការបង្កើតក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ
– អនុក្រឹត្យស្តីពីការរៀបចំនិងការប្រព្រឹត្តទៅនៃអគ្គលេខាធិការដ្ឋាន ក.ក.ជ.
– សារលិខិតសម្តេចនាយករដ្ឋមន្ត្រីអបអរសាទរទិវាជាតិអាហារូបត្ថម្ភ
– យុទ្ធសាស្រ្តជាតិស្តីពីសន្តិសុខស្បៀង និងអាហារូបត្ថម្ភ លើកទី១ និងលើកទី២
– ឯកសារសំខាន់ៗ ស្តីពីវិស័យសន្តិសុខស្បៀង អាហារូបត្ថម្ភ និងសុវត្ថិភាពម្ហូបអាហារ
– ផែនទីបង្ហាញផ្លូវស្តីពីប្រព័ន្ធស្បៀងសម្រាប់ការអភិវឌ្ឍប្រកបដោយចីរភាពនៅ
កម្ពុជា ២០៣០
– សេចក្តីសម្រេចស្តីពីការតែងតាំងសមាសភាព ក.ក.ជ.
– សេចក្តីសម្រេចស្តីពីការតែងតាំងសមាសភាពក្រុមការងារបច្ចេកទេសចម្រុះលើ
វិស័យសន្តិសុខស្បៀងនិងអាហារូបត្ថម្ភ។
Website: www.foodsecurity.gov.kh
Facebook Page : Cambodia Food Security and Nutrition Information System Office