អបអរសាទរខួបលើកទី២៥ នៃការបញ្ចប់សង្គ្រាមសុីវិល
នៅកម្ពុជា និងការអនុវត្តប្រកបដោយជោគជ័យនយោបាយឈ្នះ ឈ្នះ
និងខួប៥ឆ្នាំ នៃការកសាងវិមានឈ្នះ ឈ្នះ

មាតិកា

អគ្គនាយកដ្ឋានរាជកិច្ចនិងតម្កល់ឯកសារជាតិ ក្នុងកម្មវិធីតាំងពិព័រណ៍របស់ទីស្តីការគណ:រដ្ឋមន្រ្តី ដើម្បីអបអរសាទរខួបលើកទី ២៥ នៃការបញ្ចប់សង្រ្គាមស៊ីវិលនៅកម្ពុជា និងអនុវត្តប្រកបដោយជោគជ័យនយោបាយ ឈ្នះ ឈ្នះ និងខួប៥ឆ្នាំ នៃការកសាងវិមានឈ្នះ ឈ្នះ

I. អំពីសៀវភៅរាជកិច្ច

សៀវភៅរាជកិច្ចមានអត្ថប្រយោជន៍ និងមានសារៈសំខាន់ណាស់និងមានប្រវតិ្តនៃការចងក្រងបោះពុម្ពផ្សព្វផ្សាយតាំងពី សម័យសង្គមប្រតិកតូរ៉ា ក្រុងក័ម្ពូជាធិប្ឌី ឆ្នាំ១៩១១ ក្រោមអាណាព្យាបាលបារាំងសែស មានឈ្មោះថា រាជកិច្ចរាជ្ការ ហើយការបោះពុម្ពមានរយៈពេល៣ខែម្តង។ ដោយសារការយកចិត្តទុកដាក់ខ្ពស់ប្រកបដោយគតិ​បណ្ឌិត​របស់សម្ដេចអគ្គម​ហាសេនាបតីតេជោ ហ៊ុន សែន  និងជាអ្នកបន្តវេនពិតប្រាកដដោយមិនមើលរំលងអ្វីដែលមានស្រាប់ក្នុងសម័យមុនក្រោយថ្ងៃរំដោះជាតិ ៧ មករា ឆ្នាំ១៩៧៩  រាជកិច្ច  ត្រូវបានបង្កើតឡើងវិញដោយអនុក្រឹត្យលេខ ០៤ អនក្រ ចុះថ្ងៃទី២៦ ខែមីនា ឆ្នាំ១៩៨៥ ស្ដីពីការបង្កើតរដ្ឋកិច្ចនៃសាធារណរដ្ឋប្រជាមានិតកម្ពុជា និងបានប្ដូរមកជារាជកិច្ចវិញអនុលោម​តាមអនុក្រឹត្យលេខ ៤១ អនក្រ.បក ចុះថ្ងៃទី២៦ ខែសីហា ឆ្នាំ២០០៤ ប្រើប្រាស់រហូតដល់បច្ចុប្បន្ន។

សៀវភៅរាជកិច្ចគឺជាការចងក្រងនូវលិខិតបទដ្ឋានគតិយុត្តទាំងអង្គនីតិបញ្ញាត្តិ និងនីតិប្រតិបត្តិដែលបោះពុម្ពផ្សាយដោយរាជរដ្ឋាភិបាល មានដូចជា ព្រះរាជក្រម ព្រះរាជក្រឹត្យ អនុក្រឹត្យ សេចក្តីសម្រេច សារាចរ ប្រកាស ដែលបានបោះពុម្ពជាសៀវភៅរាជកិច្ចមកដល់បច្ចុប្បន្ន ដើម្បីចែកចាយផ្សព្វផ្សាយសៀវភៅរាជកិច្ចដល់សាធារណជនតាមរយៈគេហទំព័រទីស្ដីការគណៈរដ្ឋមន្រ្តី (WWW.OCM.GOV.KH) ដោយធ្វើការទាញយកដោយសេរី ក្នុងកម្មវិធីតាំងពិព័រណ៍របស់ទីស្តីការគណ:រដ្ឋមន្រ្តី ដើម្បីអបរសាទរខួបលើកទី ២៥ នៃការបញ្ចប់សង្រ្គាមស៊ីវិលនៅកម្ពុជា និងអនុវត្តប្រកបដោយជោគជ័យនយោបាយ ឈ្នះ ឈ្នះ និងខួប៥ឆ្នាំ នៃការកសាងវិមានឈ្នះ ឈ្នះ។

ដើម្បីឱ្យបទដ្ឋានទាំងអស់មានតម្លៃគតិយុត្តដែលមានវិសាលភាពអនុវត្តទូទាំងប្រទេស នោះគឺរាល់លិខិតបទដ្ឋានទាំងឡាយណាដែលត្រូវបានបោះពុម្ពចងក្រងជាសៀវភៅរាជកិច្ចទើបចាត់ទុកជាលិខិតផ្លូវការរបស់រដ្ឋ។

II. ការចងក្រងសៀវភៅរាជកិច្ច (Official Gazette)

អគ្គនាយកដ្ឋានរាជកិច្ច និងតម្កល់ឯកសារជាតិ មាននាយកដ្ឋានរាជកិច្ចជាសេនាធិការ បានរៀបចំចងក្រងសៀវភៅរាជកិច្ច បោះពុម្ព ផ្សព្វផ្សាយ ថែរក្សាជាឯកសារទន់ (ស៊ីឌីរ៉ូម) ឯកសាររឹង និងបានរក្សាទុកនៅនាយកដ្ឋានតម្កល់ឯកសារជាតិ សម្រាប់ជាឯកសារប្រវត្តិសាស្ត្រ និងទុកឱ្យសាធារណជនចុះសិក្សាស្រាវជ្រាវ ដែលមានទម្រង់ជាសៀវភៅរាជកិច្ចចាប់ពីឆ្នាំ ១៩៩៨ ដល់ឆ្នាំ ២០២៣៖

III. ការចងក្រងសៀវភៅកម្រងអត្ថបទច្បាប់(Legal Compilation)

គឺជាការចងក្រងយកតែអត្ថបទច្បាប់សុទ្ធសាធ (ព្រះរាជក្រម) តាមឆ្នាំនីមួយៗចេញពីសៀវភៅរាជកិច្ចចាប់ពី ឆ្នាំ ១៩៩៨ ដល់ឆ្នាំ ២០២៣ ដូចខាងក្រោម៖

IV. ការចងក្រងសៀវភៅកាលប្បវត្តិ (Chronology Compilation)

គឺជាចងក្រងលិខិបទដ្ឋានគតិយុត្តិនានាតាមឆ្នាំនីមួយៗងាយស្រួលដល់អ្នកស្វែងរក (ឧទាហរណ៍ លេខសម្គាល់លិខិត ថ្ងៃខែឆ្នាំចេញ ខ្លឹមសារលិខិតចេញដោយស្ថាប័នណា និងយោងសៀវភៅរាជកិច្ចលេខប៉ុន្មាន) ចាប់ពីឆ្នាំ ១៩៩៨ ដល់ឆ្នាំ ២០២៣ ដូចខាងក្រោម៖

V. ការចងក្រងកម្រងស៊ីឌីរាជកិច្ច (Official Gazette CD Compilation)

គឺជាការចងក្រងចេញពីសៀវភៅរាជកិច្ចតាំងពីឆ្នាំ ១៩៩៨ ដល់ឆ្នាំ ២០២៣ ដូចខាងក្រោម៖

កម្រងឯកសារ

• នាយកដ្ឋានតម្កល់ឯកសារជាតិ

១. ធ្វើការអភិរក្ស និងស្តាឡើងវិញនូវបណ្ណសារដែលជាបេតិកភណ្ឌ
២. ធ្វើកិច្ចសហប្រតិបត្តិការជាមួយបរទេសក្នុងវិស័យឯកសារនិងបណ្ណសារ
៣. ត្រួតពិនិត្យ និងបណ្តុះបណ្តាលការងារតម្កល់ បណ្ណសារដល់ក្រសួង ស្ថាប័ន និងរាជធានី ខេត្ត
៤. ប្រមូលទទួលបណ្ណសារសាធារណៈដែលមានតម្លៃជាប្រវត្តិសាស្ត្រមកតម្កល់ទុក
៥. ធ្វើការផ្សព្វផ្សាយ និងផ្តល់សេវាស្រាវជ្រាវដល់សាធារណៈជាតិនិងអន្តរជាតិ។

កម្រងឯកសារ

នាយកដ្ឋានតម្កល់ឯកសារជាតិ មានតម្កល់ទុកឯកសារចាប់ពីឆ្នាំ១៨៦៣ដល់បច្ចុប្បន្ន និងសូមស្វាគមន៍សារធារណជនមកធ្វើការស្រាវជ្រាវ។

សូមទាក់ទងមកយើងដោយផ្ទាល់តាមអាសយដ្ឋានដូចខាងក្រោម៖

ផ្លូវលេខ៦១ វិថីហ៊ីងប៉ែន សង្កាត់វត្តភ្នំ ខណ្ឌដូនពេញ រាជធានីភ្នំពេញ
Website: www.nac.gov.kh
Facebook: facebook.com/nationalarchivesofcambodia